Karajaan Tanjungpura

Karajaan Tanjungpura atau Tanjompura^[1] atau Karajaan Matan marupokan karajaan paliang tuo di Kalimantan Barat nan ado sajak abad ka-8. Karajaan iko mangalami babarapo kali pamindahan ibu kota karajaan, partamo kali talatak di Negeri Baru (namo desa kini) Kabupaten Ketapang, kamudian pindah ka Sukadana ( kini ibu kota Kabupaten Kayong Utara) pado abad ka-14 M dan pado abad ke-15 M barubah namo manjadi Karajaan Matan, sajak Rajonyo Sorgi (Giri Kesuma) mamaluak agamo Islam. Karajaan Tanjungpura manjadi bukti bahwa paradaban negeri Tanah Kayong alah cukuik maju pado maso lampau. Tanjungpura pernah manjadi provinsi Karajaan Singasari sebagai Bakulapura. Namo bakula barasa dari bahaso Sanskerta nan bararti tumbuhan tanjung (Mimusops elengi), sahinggo sasudah dimalayukan manjadi Tanjungpura. Sabagian katurunan kerajaan iko tasebar dibabarapo wilayah karena pernikahan dll. Ada nan manempati di Mempawah, Pontianak jo babarapo kota lainnyo. Manuruik babarapo hasil pancarian, ado babarapo katurunan kerajaan iko nan malapeh gala dan indak manggunokan gala karajaannyo.^[2]

1. ↑ (Inggirih) Tomé Pires, Armando Cortesão, Francisco Rodrigues (1990). The Suma Oriental of Tome Pires: An Account of the East, from the Red Sea to Japan, Written in Malacca and India in 1512-1515, and The Book of Francisco Rodrigues, Rutter of a Voyage in the Red Sea, Nautical Rules, Almanack and Maps, Written and Drawn in the East Before 1515. 1. Asian Educational Services. pp. 224. ISBN 8120605357. http://books.google.co.id/books?id=h82D-Y0E3TwC&lpg=PA224&dq=patee%20unus%20banjarmasin&pg=PA224#v=onepage&q&f=false. ISBN 978-81-206-0535-0
2. ↑ Carma DH, Gusti (2019). Dokumentasi Sejarah Kesultanan Matan. Ketapang, Kalimantan Barat: ForPeka Ketapang. ISBN 978-602-6764-06-5.